الح‘ــلم الرمادي <<راب فلسطين>>

[verse1]
B Boy
عندي حلم اضرب السهم ازيح الوهم
انسى الألم ارفع العلم امسك القلم
ابقى هادي أربي ولادي
أحرر بلادي أقضي على الأعادي
العلم الأبيض زاح بعد كل اجتياح
علمنا صار رمادي
انا مش حيادي انا بدور مش ملاقي حالي
حياتنا صارت زبالة زي الرجل الآلي
زمنا وين و وين زمن الرجال
انا لما اغني مش عالم بالراب بريح بالي
ايمتا بدنا نفيق الدنيا عمالها بتديق
يلعن الجدار ويلعن خارطة الطريق
والوضع الأنتقالي ينهد العالم
انا مالي دقت طعم الألم مر
بس بتخلاش عن حدا حر
عملوا وبعملوا فينا ولسا بتجر
مش حننسا كل يوم قتل وهدم بيوت
هم بكبروا بكتروا واحنا بنموت
هم بواحد بحمل سلاح بفكر حالو حوت
من دون سلاح بروح بتخبا جوات تبوت
واحنا زعمانا كل واحد منهم منظر مخطوط
وصاحبك الزميل صار عميل ابن شححـــ....
بغني بغني بغني
فش حدا سامع شو انا باقي طلعوو
[chorus] x2
كل يوم بحلم بالكابوس بحلم بالحلم الرمادي
بطلع شو بسير حوالينا بسير فينا بسير ببلادي
حسرة عالمسلمين والعرب والموت للأعادي
هربت الألوان وضل لون الدم بشوفو اشي عادي

[verse 2]
Error-Dr.E
انا فلسطيني بدافع عن ارضي وديني
بحمي القدس زي مكة والمدينة
لو يعطوني مليون انا مش راح اطلع من هون
انا مستقبلي وزكرياتي وحياتي بالكون
أدافع عن ارضي وعرضي
هو فرضي وامشي واكون من امي مرضي
ابتزاز امرنا خلاص استفحت
وقتيش الوضع بدو يتحول
احس بوطني ياللي زي من اول
اكون حر وين ما بدي اروح واتجول
ليش دايمن العرب مدعوسين
مقهورين تحت الدمار مدحوريــن
احنا اللي جبنا العلم للعالمين
لما كان فش اميريكا والناس بأوروبا نايمين
بس بعد شوي سرقونا ضربونا الخنجر
صحيو من النوم واحنا بدينا نتخدر
لما اخدو حضارتنا واوروبا بدت تطور تخلفنا
رجعنا وقفنا والجهل قاعد بتكرر
استعمرونا ورجعونا لأيامات الجاهلية
غزو ثاقافتنا وخربو عقليتنا الأسلامية
زهقت يا ناس وين الأحساس بالوحدة العربية
دفعتنا الخطاء والثقافة والعادات الأجنبية

[chorus] x2
[verse 3]
B Boy
احنا مش ارهابية احنا شعب الحرية
فالقدس دينا الاسلام واخوانا المسيحية
B Boy & Error
يا عالم يا ناس وين حقوق البشرية
وينكم يا اهلنا وين الأمة العربية
قضوا علينا دمرونا محونا اضطهدونا
Error
طيب ليه هيك اخوانك برا بطلعو عليك
B Boy
يمكن مشكلتك عربي مسلم الحق عليك
Error
عشنك بتحط براسك شو بتشوف بعينيك
B Boy
تسويش هيك هم بدهمياك ترفع ايديك
B Boy & Error
زي ما رفعوا اجريهم
تحكيش سكر دينيك
زي ما هم غمضو سكروا عينيهم
وحياتو الله برجع كلو بالاخر عليهم
B Boy
لأيمتا العرب بدهم يشوفو يضلوا ساكتين
مش متحركين خايفين مفرقين مشتتين
Error
لأيمتا العرب بدهم يضلوا نايمين
يسمعوا يعملوا حالهم مش سامعين
B Boy
مزبوط ما أنتوا فينا مش حاسين
بس تحسوا بنصرانا بالقدس وفلسطين
Error
هي راحت العراق وانتوا خرا ماكليــن
انا بحكي معكم من قهري عالبسير بالمسلمين
B Boy
العراق ضاعت وانتوا حواليها عالدور جايين
الله وحدو بس بعلم مين التانيين

DR.E
B Boy
عربي G TowN من القدس مش طالعين
$KulL
[chorus] x2

مره حلوه و تبكي ياقلبي عليهم
تقبلي مروري

يسلموو حبيبتي ماعاش اللي يبكيكي قلبووو
بس والله يحزنوووو

يسلموووووووووووووو على الكلامات
DOOOOOOOOOOOOOOOOOOOOOOS

يـــ،،،ـــلموووو ع الـــــمـرور الع‘ـــــطرر
بـــإن‘ــــــــــتظآآر ج‘ــــديدكـ،،،